Monsoon season has started & everyone is enjoying it. Sab sahi hai per Bilawal ne jo bola ke barisha ata hai tou pani ata hai aur ziada barish ata hai tou ziada paani ata hai. Theek hai who sab sahi bola thaa usne. Per masla aik hai, Karachi main jab Barish ata hai tou BUHAT PAANI AJATA HAI. Bilawal can you please help us explain this situation? It’s quiet confusing!! Should we go out grab and pakoray or just sit at home & watch the country flood?
Local authorities what’s happening? Last year tou apne dekha thaa kia haal hua thaa, ais saal please bacha lena. Otherwise, people would want to take out their swimming pools & floaties which will cause more trouble.
Shar-e-faisal needs to stop being so dramatic after every little situation. Yahan drizzle hui sha-e-faisal block, Sunday aya shar-e-faisal block. Office ki chuti hui SHAR-E-FAISAL block! Why Shar-e-faisal? Ever since we have grown up, we have seen shar-e-faisal blocked. Aiski hadiyan ab kamzoor hein Karachi ki traffic ke lie. Ab humain aur raste chaheyan takey ‘pull ke us paar’ ja sakain.
Sab choro, yeh gutter ka kia scene hai? Bhai ap apna kaam karou. Haar baat pe apko ubaalney ki zarurat nahi hai. Aik kaam kartey hein aisko blood pressure ki dawaiyaan de detay shayad phir masla haal hojaye?
Suna hai police walon ne bhi kashtiyan nikal hein? Police bhai ap machliyan pakrne maat nikal jana warna hum us chakkar main doob jaengey. Chalo aik kaam kartey ap humain bachana phir sath mein samandar chalengey machli pakarney.
Yaar pakorey wale bhaiya, what is wrong with your rates? Ap tou paani dekh ke excited hojatey hein. Foran se rates asmaano per hojatey hein pakoran ke. Pakore hein ya sona?
Oper se yeh biker boys ka kia chakkar hai? Bhai humain apkey kartaab tou bilkul nahi dekhnay. Humain patah hai ap bike per khare hoke full speed main zoom zoom kare saktey hein magar gir ke ap hadiyan bhi tou toortey hein. Phir humain boltey hein ke gari wale ne mara ya buhat paani khara thaa.
To all my friends driving their cars, itna bhi flex nahi kia karou. Yeh taaiz gari chala ker paani urane ka kia took banta hai? Sabko ganday paani se nehla kar chale jatey ho. Kuch tou lihaaz karou bhai.
Aur haan doston itney hee pait main chuhey hein tou APNA KHANA KHUD BANAO! YEH FOODPANDA WALON KO TANG NAHI KAROU! They are humans too. Haan agar a sakte hein tou at their own ease is okay, warna yeh kia baat hui bhala ke apke chakkar main woh log khuwar hun aur jab late aen tou ap laro? Insan hoo ke Zakoota jin?
Aik law hona chaheya office, schools aur university main ke jis din ‘ayee mausaam rangeelay sohaney’ us din ap chuti dedo ya half day karlou. Yaar mera tou dil khirki per atak agaya hai. Main tou dimagh main Chai, Pakore, barish ke gaaano ke sath beach nikal gain hun. Oufff kia maza araha hai, abhi awaaz aeygi boss ki ‘beta khayali pulao maat pakaain kaam karain’ chalo work bhi tou important haina. Maasti hoti raheygi.
Aik tou K-eletric walon ne bhi bezaar kara hai shar-e-faisal ki tarah. Haar baat per phopho ki tarah naraz hoker light chali jaati hai. Abhi drizzle hui nahi light gayab. Kia tareeqa hai? Yar ap tou aise times per support nahi chora karou.
Everything aside, we hope ke yeh baarish last year ki taraah hum per bhaari na parey. Please play your part. Don’t order food through riders woh log pareshan apse ziada hote hein, help people stranded on roads, electricity ka issue hai tou please wait K-Electric bhi try kar hee rahi hogi ke apko bijli de dein, paani jama hai tou yaar ap khud bhi help karke clean karwa dou. Enjoy karou, per khayal bhi rakho. We hope Police walon ko apni kashityan nikalne ki zarurat nahi pareygi warna woh tou jo jisko apni boat per bithengey usko bhi challan dengey ke ‘ap nikle kiun? Nikle tou phaase kiun?’ We hope you all stay safe & keep everyone protected around you too!
